Chega unha das superlúas do século

             Cada vez que hai Lúa chea no perixeo, é dicir, cando o noso satélite está máis preto da Terra, podemos gozar dunha superlúa. A deste luns 14 de novembro será especial, porque se situará na súa posición máis próxima no que vai de século. Ata 2034 non acontecerá nada igual.
              En concreto, este 14 de novembro a Lúa estará a 356.523 km, a súa distancia máis preto da Terra no que vai de século. Aínda que isto acontecerá ao redor do medio día, o espectáculo astronómico poderase observar a noite anterior e posterior. Haberá que esperar ata o 25 de novembro de 2034 para que o noso satélite se aproxime aínda máis, a 356.448 km.
              O único efecto que se pode observar no noso planeta é que as mareas sexan un pouco máis vivas do habitual, ademais do espectáculo que supón gozar da Lúa en todo o seu esplendor.