Día 8 de maio. Mazonovo. Taramundi

 O día 8 faremos unha saída a Mazonovo (Taramundi) a ver o  Museo dos Muiños.

 Os vellos muíños  foron restaurados para coñecer como funcionaban e que actividades se realizaban neles. O visitante convértese no protagonista da visita xa que algúns dos muíños necesitan ser manipulados para o seu funcionamento, e é o visitante o que interactúa. 

Tamén se instalaron unha serie de reproducións de muíños para que se poida apreciar a súa evolución no tempo. O visitante pode incluso moer e comprobar por si mesmo o esforzo que supuxo traballar nestes muíños no pasado e a importancia que tiña e enerxía hidraúlica.

Hai 18 muiños, 7 son manuais, 6 hidraúlicos, 3 específicos para nenos e 2 especiais (a tamaño natural, expostos en perfecto estado, para que se poda entender os elementos que compoñen esta construccións)

No exterior hai paneis informativos e vitrinas de elementos relacionados cos muíños. É un museo de titularidade privada, os seus  propietarios son a cuarta xeración dunha saga de muiñeiros. 

O financiamento depende exclusivamente da venda de entradas e da venda do excedente de enerxía da minicentral hidroeléctrica que subministra enerxía ao museo.

Máis información